من اشعار خالد الفيصل

من اشعار خالد الفيصل
غريب
غريب ومسافر لحالي ودروب الايام تعابه
أدور المنزل العالي أزايم الحمل وارقى به
ما احب انا المركز التالي الاول اموت واحيا به
وش عاد لو ثمن غالي روحي على العز وثابه
ماهمني جمع الاموا زهاد بالمال واصحابه
من فيصل اعيش بامثالي ادرس وادرس من كتابه

يا قلب
ياقلب لا تجزع لما سووه الله كريم يعدل الميله
من شال درع الصبر ما طالوه الصبر مضمونه محاصيله
الللي لقينا قبلنا لاقوه ياما كريم ظلم في جيله
ترى صليب الراس لو حدوه ماينثني لى عالت العيله
يالعن ابو رجل إلى ضدوه ما يرتكي للحمل ويشيله

هلت
هلت دموع السما عند الوداع وارسلت غيومها شوق وحنين
مد لي يمناه وانهى الاجتماع والهنا تبدل بدمع حزين
قال ودع ما يفيد الامتناع الشقا مقسوم مير الله يعين
رمشه الفتاك وعيون وساع صوروا بالقلب له رسم حسين
شوفتي له ساعة متاع متعة الدنيا نظر عين لعين
لي ذكرت اللي حدر هاك القناع مبسمه والخد مع نور الجبين
لو بغيت الصبر قلبي ما استطاع يا سعد يا كود فقدان الظنين
كل ما لاح بسما حبي شعاع أظلمت دنياي واشتد الونين
ياحسايف وقتنا والعمر ضاع نجتمع يومين والفرقا سنين

أنا شاقني
أنا شاقني بالحيل منظر حمام شهار صلاة العصر يوم انحدر باسفل الوادي
لحظني ... شبكني ثم قفى وانا محتار دفعني غرامي له على غير معتاد
تطاير حمام الشوق والقلب مني طار تلاعب جناحه بالهوا لعب بفوادي
انا ما حصل لي يا سعد يمهم مسيار تراهم سبب ذبحي إلى جاك نشادي

كفاني عذاب
كفاني عذاب الله يجازيك بافعالك
جرحت الضمير ولا طرالك تداويني
مريض المحبه داه ودواه بوصالك
ألا كيف تبخل وانت نظرتك تشفيني
ألا عذابي كيف ما عاد يهنالك
سوى انك تشوف الموت بيديه يطويني
انا يوم احبك ماتذكرت غربالك
ولا قد خطر في بالي انك تجافيني
تفرغت لك يا ساكن القلب بحالك
تقل غيرك من الناس ماهم بحيين
أنا قام يطرا لي بلاحلام مرسالك
وطيفك حبيبي بي الاحلام ناسيني

لا تعتذر
لاتعتذر يا هوى البال مانيب احب المعاذير
يوم انها لي بالاقبال ماقد جرى منك تقصير
واليوم يوم الهوى مال يا علها لك مسافير
الكسر في بعض الاحوال ماينفع الكسر تجبير
ما قد بقى شي مازال ولا كل فرقى مخاسير
ولا كل حال مثل حال في مر الايام تتغير

يعطيك الغافيه أخوي

وتقبل مرور

صح لسانك ولاهنت ويعطيك العافية ومشكور ماتقصر
وتقبل مروري

مشكووووور اخوي على الموضوع

والله لايهينك وتسلم يمينك

سيو ~~ الصابوني

صح لسانك

الله يعطيك العافية ع القصيدة الروعة

» الشكات