(( .. ياا غلى بشر .. ))

السلام عليكم ورحمة الله وبركاته

اعزائي .. تحية عطرة

يطيب لي ويشرفني العوده لهذا الصرح الجميل ..

بهذه المتواضعه .. والتي اتنمى لها من كل قلبي

ان ترتقي لذائقتكم وتشفع لي غيابي .. !!

:::::::::::::::::::::::::::::::::::::::::

صبرك قبل تعلن عن الفرقى وتتركني حزين = بعلّمك كيف الحياه تكون لأعلنت الغياب

ماتدري أنّي اعشقك واهواك يا الترف الحسين = ولااتصوّركيف في لحظه تخليني مصاب

يا للاسف ما كنت انا استبعد على طول السنين=اصبح حقيقه والحقيقه عقبها الخفّاق ذاب

راحت ليال الشوق راح الحب يا كل الحنين=الله!! ياعمر ٍمضى واصبح مثل ضوح السّراب

في غيبتك خيّم على قلب العنا حزن وأنين =وفي جيّتك يِفْتح من ابواب الفرح مليون باب

واشلون ابنسى حبّك وطيفك معي في كلّ حين =اتذكّرك بالثانيه لين اندفن تحت التراب

يعني انا في سجن حبّك من تعارفنا سجين =واتخيّلك مثل القمر لامن كمل فيه النّصاب

سبحان من صوّر جمالك يا غرام العاشقين =من حسنك الفاتن جعلك الله فتنه للشباب

بعيونك النجلاء وخدّ ٍ فاح مِنْه الياسمين = ومن ثغرك الباسم شراب ٍ ما وجد مثله شراب

والجيد نوره مثل برّاق ٍ يسر الناظرين =والشّعر لا هب النسيم انسى العنا وانسى العذاب

يااغلى بشر!ليه الهجر؟واشلون قلبك مايلين=وانا معك صادق وغيرك يرخص لْحبّي رقاب

يا اغلى بشر خل الكبر واحذر من ابليس اللعين=انا حيـاتـي في غيابك بين همّ ٍ واكتئاب

واذاغرورك يمنعك تسحب قرارك ياظنين =سلهم لي برمشك مدام القلب يحسب لك حساب

اخاف لا طال الهجر يقوى علي العاذلين= لـو كـان نسيانك صعب وانا غرامي للصعاب

وانا انتظر منّك جواب ٍ يجعل الدّنيا تزين= وهـذا شعور القلب ترجمته وعجّل بالجواب

::::::::::::::::::::::::::::::::::::::::

وسلامتكم

مشكور اخوي مجنونك على الموضوع الرائع والله لايحرمنا من جيدك

ودئما جديدك مميز

تقبل مروري اخوك الجنتل

يــسلم أيـــاديكي يالغالي

يسلمو ع الموضوع الروعة